عزيزي وأخي في الطبيعة ..
صديقي المؤمن الغيور الملقب بـ "المسلم المعتدل"

يلي كل ما يسمع مني كفرية فيها اسم " الله أو الدين "
(وعادة ما بتكون كفرية بس العتب عالفهم)
بيرجف قلبو وبيطلع ضغطو وبيوصل الدم لراسو

حبيبي مو شايف أخواتك بالدين شو عم يعملوا ؟؟
آآآآآآآآآآه .. قلتلي ما بيمثلوا الإسلام ؟؟
الدين منهم براء ؟؟
عم يفهموا النصوص غلط ؟؟

طيب عيوني من الأخير
هدول ما جابوا تكبيراتهم وآياتهم وأحاديثهم من بيت يلي خلفني
وشخصياً ما بتوقع أنو الله يلي شايف كل هاد يلي عم يصير وساكت رح ينمغص بسبب الكفرية تبعي !

فبدل ما تتشاطر علي وتكسب حسنات على كتافي
روح قارع يلي ما بيمثلوا دينك وإلهك

شو ؟؟
إي لا تواخذني تاج راسي نسيت أنك خايف على راسك ..
إذا هيك بسيطة خليك عم تتمرجل علي وخليك كسبان راسك

ملاحظة: يا الله ضب وحوشك يا الله

ملاحظة 2: الملاحظة السابقة بيني وبين الله لا حدا يحشر أنفو بالنص .